महिलांच्या सक्षमीकरणासाठी 20 शिलाई मशीनचे वाटप
विक्रमगड प्रतिनिधी – प्रशांत दाव्हाड
विक्रमगड, दि. 14 जून 2026 : वनवासी कल्याण आश्रम, विक्रमगड येथे चेंज मेकर्स ग्रुपच्या सदस्यांच्या सौजन्याने 20 गरजू महिलांना शिलाई मशीनचे वाटप करण्यात आले. या उपक्रमाचे प्रमुख उद्दिष्ट महिलांना स्वावलंबी व आर्थिकदृष्ट्या सक्षम बनविणे हे आहे.
चेंज मेकर्स ग्रुपचे सदस्य निखिल गांधी, हिना गांधी व इतर सदस्यांच्या सहकार्याने विक्रमगड तालुक्यातील पलाटपाडा येथील 10 महिला, चिंचपाडा येथील 9 महिला आणि दादडे येथील 1 महिला अशा एकूण 20 महिलांना शिलाई मशीन प्रदान करण्यात आल्या.
या उपक्रमांतर्गत केवळ शिलाई मशीनचे वाटपच नव्हे, तर लाभार्थी महिलांना पुढील काळात रोजगाराच्या संधी उपलब्ध करून देण्याचाही संकल्प करण्यात आला आहे. त्यामुळे महिलांना स्वतःच्या पायावर उभे राहण्यास आणि कुटुंबाच्या आर्थिक उन्नतीस हातभार लावण्यास मदत होणार आहे.
कार्यक्रमावेळी वनवासी कल्याण आश्रम, विक्रमगड समितीच्या सदस्या रेखा मालकरी तसेच दुर्वास पवार, देवराम धांगडा, संजय पारधी, सुभाष सुरूम आणि विजय मेघवाली उपस्थित होते.
उपस्थित मान्यवरांनी या उपक्रमाचे कौतुक करत महिलांच्या सक्षमीकरणासाठी अशा प्रकारचे उपक्रम समाजात अधिक प्रमाणात राबविण्याची गरज व्यक्त केली
